專頁
台灣基進， 高雄市。 250,248 個讚 · 10,956 人正在談論這個 · 1,648 個打卡次。台灣基進官方粉絲專頁。 基進，即「基本又進步」之意。我們是一個堅定抗中、堅守台灣獨立立場的年輕政黨。
貼文
【催生台語公共電視台——高雄場座談會】 中國國民黨佇1945年以後來到台灣，毋但佇短短ê 2冬內底起大事創出228大屠殺，閣進一步推sak 濟濟各樣ê政治運動；228大屠殺剿滅不止濟台灣精英ê性命，造成無萬數ê驚惶，隨後ê政治運動踳踏台灣人ê精神佮文化 - 結構性損蕩台灣文化上各樣ê政策是「國語運動」。
　
　　「語言是文化ê車載」！透過「國語運動」，中國國民黨將「一个國族，一款語言（one… 更多 nation, one language）」ê意識形態變做真，透底蹧躂台灣ê多語言佮多文化，華語法西斯沓沓仔kā咱的社會變成「一言堂」。
　
　　原住民語佮客語因為是相對ê經濟弱勢佮人數較少，佇20冬ê「國語運動」了後已經欲死盪幌，好佳哉透過這幾年法律佮制度ê救濟，in才啖著一寡活水。
　
　　台語是台灣上濟人ê母語，嘛因為按呢，伊受著ê譏刺佮污名上食力。經過各樣ê「國語運動」了後，目今30歲以下ê少年人，台語已經是臭奶獃、袂輾轉，甚至是鴨仔聽雷！
　
　　台語長期以來因為制度著磨，咱佇「國家語言發展法」當咧推sak ê時陣，嘛同齊發聲要求愛有「台語公共電視台」：要求用制度ê力量，kā已經荏身ê台語注入閣活ê氣力！
　
　　政府單位ê文化部對設立「台語公共電視台」ê提案已經表示支持，嘛欲來修削公視法。咱民眾ê聲音佇這件事工裡絕對袂使欠席！所以阮佇遮欲邀請逐个來「催生台語公共電視台─高雄場座談會」，予逐个來瞭解語言平權佮設立「台語公共電視台」ê要緊，嘛請逐个來分享你ê看法。相供相伨，做伙來拍拚，起鼓台語ê閣活，起造lè-táu ê 台灣。
　
（華文）… 更多
影片
留言