【2020 海湧祭 Hái-éng Festival主視覺公開】 #因為有了海湧，#馬著有了咱 大湧起，大湧落。 海風含著鹹鹽味，直直衝落心內佮腹腸，天頂的鶆鴞飛來閣飛去，踅佇親像海的天頂，飛啼的伊和魚仔市場的喝賣聲變作一條歌。一箱閣一箱活跳的海產予船隻捒上岸，市仔內殺價數是人情味的喝咻聲，你會鼻著遮的空氣——是海神的保庇佮所有基隆的活力。… 更多 有時陣咱寬寬仔行佇「海洋廣場」，看著船隻入港、離港......敢會想著看袂著海面線的外口是毋是親像咱遮仝款日頭赤豔？抑是烏陰罩著人的心肝？綴著海湧，天頂的白雲佇青藍的背景下跤特別明顯，吹來的海風若親像摻著掠魚人流汗出力的吼喝聲。 驚人的日頭過去，雨水親像目屎流落來，喊來就來，攏袂打一聲招呼。咱佇雨傘跤恬恬仔覕、恬恬仔藏好家己，雨水的味，鼻著是越來越明顯。 基隆的雨有幾若種感覺，有時陣陰陰黯黯，雨水拚性命落，一句話攏毋願講；有時陣雨水共七月熱天熟氣掃落台灣海的海面，變作輕鬆閣涼勢，雨水會結著海的鹹鹽氣味；抑是咱慶安宮內底久年的香灰，漁船仔入港載著滿滿的笑面轉來......基隆的雨水誠濟，親像每一个基隆在地人的記憶，每一種記憶攏是基隆特別的氣味，氣味會相摻，百年的基隆就有家己的氣味，你若是離開基隆來到外地討生活、讀冊的人，想起來基隆，就若親像會鼻著基隆熟似的氣味，轉來基隆的路會有偌遠？不敢想。 你閣想起佇雨傘跤覕冷雨時行過一條閣一條的街，鑽過小巷仔行入在地人的好食物仔，海風輕送，唌著你枵餓，基隆平常，馬是特別的。 若是海風閣再吹，平靜的海予咱叫醒，歹銃銃的，海變作歹銃銃的，但是世界傷過大，閣較歹馬是親像溫柔的伊，溫柔的海湧。… 更多