早前有一單暴動案嘅被告得到裁判官准担保，其中一個條件係不准離開香港。昨天(16/1)被告由大律師帶到高院，申請離開香港，理由係要去聽演唱會。一開庭，潘敏琦大法官即發官威，指示要把被告關入犯人欄內。接著問大律師，以去聽演唱會為理由而申請離開香港，係咪認真嘅，係咪真係有需要，如果真係申請，佢(潘官)係有權推翻裁判官的決定，直情唔批准担保。嚇到大律師即係同被告商量，結果就當然係取消申請啦。點知潘官繼續發威，向大律師話：「我會記住你，亦會記住轉聘你嘅律師樓，下次再有咁嘅浪費法庭時間，就通知大律師公會和律師會。」潘官一講完，即刻掟筆離開。佢嘅表現，嚇到DOJ嗰大狀和案件主官都驚一驚！😏