各位現場以及全國的，親愛的鄉親，大家晚安、大家好！ <br> 這段日子以來，我一直想要出來甲大家逗陣，為咱台灣的前途打拼，但是身體實在不好勢。不過，看到咱的國家退步這勒體，就算我在厝內休睏，我的心，實在講，無法度休睏。<br> 今仔日，不管他們安怎給我苦勸，講我身體凍未條，但是我一定要站出來，跟大家站作夥，為台灣拼最後一場啦。<br> 因為這一場不只是蔡英文要贏，是咱台灣一定要贏啦。<br> 對不對阿。<br> 我已經九十歲，乎日本人統治過，乎國民政府管過，我看到在咱台灣這塊土地的人，不管是原住民、早期的移民、還有二次大戰後來台灣的移民，攏吃過甚多甘苦，因為大家共同在這塊土地忍耐打拼，經濟才有一點仔基礎，才有機會選家己的總統，選咱家己的生活，咱希望代代子孫，攏會凍永遠在這塊土地發展落去，作一個幸福的台灣人，嘛做一個有希望的台灣人。… 更多<br> 做生意的人希望生意興旺，農民希望好收成，農產品有銷路，做工的人希望有賺錢，沒失業，大學生希望不免借錢讀冊，畢業找有頭路，少年人敢娶某生子，買一間厝建立家庭，老大人希望年老有人照顧。<br> 咱希望有一個公正的司法制度，有一個公平的經濟制度，有一個台灣文明的教育制度；咱更加希望萬一咱受著災難的時，政府會凍甲咱保護。<br> 咱嘛希望建立一個民主、自由、繁榮，有人權、有尊嚴的國家，不免煩惱乎人統一，乎別人管，會凍大聲講我是台灣人。<br> 不過在現在的政府領導之下，咱的希望沒可能實現。<br> 現在的政府沒希望阿，對不對阿。<br> 但是咱相信，咱有能力改變，因為台灣是民主的國家，咱的命運就掌握在咱手頭的選票，咱用咱的選票選咱家己的希望，選咱幸福的未來。咱相信家己，咱嘛相信蔡英文，會凍帶領咱的國家，實現咱的希望。<br> 我已經年歲多啊，身體啊無外好，什麼時存會離開我心愛的台灣不知，會凍擱做的實在有限，未來就要靠你們大家打拼阿。<br> 大家為台灣繼續拼，好不好阿。<br> 票數非常接近，拜託大家一定要去投票，全力拉票、催票、固票，支持１號，支持蔡英文博士，乎蔡英文成為台灣第一女總統，創造台灣民主新的典範。<br> 好不好阿。<br> 明阿載，選蔡英文，選咱的希望，選咱的幸福；相信咱家己，相信蔡英文；乎家己一個的機會，乎台灣一個機會。<br> 我李登輝這世人，最後一次加大家拜託。<br> 台灣，交給大家囉。<br> 祝，大家平安。台灣平安。<br> 再見。