🚀火箭阿伯的夢 台灣人共同向望🚀​<br> ​<br> 「#火箭阿伯」#吳宗信 昨昏（2號）接任 #國家太空中心 主任，伊希望ē-tàng為台灣建構koh-khah完整ê太空科技基礎能量，而且推展太空產業供應鏈完成。相信逐家lóng已經真bat伊，伊追求台灣自主研究火箭，故事成為 #五月天 MV「頑固」ê跤本。M̄-koh，逐家kám知影伊mā是咱台南人？Kám知影火箭是伊兩ê夢想ê其中一ê，另外一ê是 #台語文？​<br> ​… 更多<br> 吳宗信出世tī #台南安南區，kah彼代真濟人仝款，自細漢就是講台語，開始讀冊才不得已開始學華語。去美國讀博士了後參加台灣同學會、讀冊會，接觸《自由的滋味》、《台灣人四百年史》等等ê台灣歷史，產生 #台灣意識，mā開始堅持講台語。​<br> ​<br> 1995年轉來台灣，吳宗信tī線頂chhōe網友發起「5%#台譯計畫」，以台語文為主體寫作，翻譯世界經典，向望hō͘台灣人有機會thang用母語讀冊。5% ê意思就是用每月日ê 5%做為出版基金，逐工5% ê時間做翻譯，吳宗信一面tī國家太空中心做副研究員，一面用歇睏ê時間翻譯。伊家己翻譯兩本冊，kui-ê計畫mā出版13本冊，soah因為無經費thang支持停--去。​<br> ​<br> 雖罔「5%台譯計畫」最後無繼續進行，tī 1996年彼ê時代，這ê計畫對推廣 #台語文現代化 絕對有實質ê貢獻。吳宗信繼續用家己ê行動傳承台語文，2015年伊tī TEDxTaipei 用全台語演講，kā逐家紹介台灣本土火箭計畫，伊講：「我認為，台語mā ē-tàng表現真複雜ê智識」。Tī TEDxTaipei ê 演講，就是伊 #行動證明 ê展現。​<br> ​<br> #恭喜 吳宗信教授接任國家太空中心主任，無論是火箭a̍h-sī台語文，這兩ê夢想lóng愛付出真濟時間kah拍拚才有hoat-tō͘完成，伊ê故事是咱追求夢想ê典範，mā-sī咱台灣人百年追求ê縮影。